სანაკრებო პაუზის შემდეგ, მარტვილის „მერანმა“ ეროვნულ ლიგა 2-ში მე-15 ტურის შეხვედრა გამართა.

 „ეროსი მანჯგალაძის“ სახელობის სტადიონზე უხვგოლიანი მატჩი მასპინძლების გამარჯვებით დასრულდა.

 სამტრედიელები პირველი ტაიმის მიწურულს ზურაბ ღირდალაძემ დააწინაურა „ექს-მერანელი“ ბაქარ ლაღაძის საგოლე გადაცემით - 1:0.

 48-ე წუთზე დათო კირკიტაძემ ორამდე გაზარდა ანგარიში. 86-ე წუთზე კი მასპინძელთა კამერუნელმა ლეგიონერმა, ჩამბამ მესამედ აიღო „მერანის“ კარის.

 ჭყონდიდელებმა პრესტიჟის გოლი მსაჯის მიერ კომპენსირებულ ბოლო წუთზე გაიტანეს. დათა წულაიას პასის შემდეგ, მალხაზ გაგოშიძემ თავური დარტყმით საბოლოო ანგარიში დააფიქსირა - 3:1.

 „მერანი“ მომდევნო ტურის შეხვედრას 21 ივნისს ქობულეთის „შუქურას“ წინააღმდეგ გამართავს. ტურის ცენტრალური მატჩი მარტვილში 18:00 საათზე დაიწყება.