ერთწლიანი პაუზის შემდეგ, მარტვილის მერანი ეროვნულ ლიგა 2-ს დაუბრუნდა! დიახ, 2020 წელს, სამეგრელოს წარმომადგენელი გუნდი რანგით უფრო მაღალ ლიგაში იასპარეზებს. გია გიგატაძის გაწრთვნილებმა ეროვნული ლიგა 2-ის საგზური ჩემპიონატის დამთავრებამდე ხუთი ტურით ადრე გაიფორმეს, დღეს კი მერანმა ლიგა 3-ის გათამაშების ბოლო, 36-ე ტურის მატჩი გამართა საკუთარ არენაზე ბეთლემის წინააღმდეგ და გამარჯვებით მაჟორულ ნოტაზე დაასრულა წლევანდელი სეზონი.