ორი ტურიც და ეროვნული ლიგა 2-ის მიმდინარე გათამაშება ისტორიის კუთვნილება გახდება. „მერანს“ 35-ე ტურში კიდევ ერთი უმნიშვნელოვანესი მატჩის გამართვა მოუწევს, ამჯერად სტუმრად. ჩვენი გუნდის მეტოქე საფეხბურთო კლუბი „ცხინვალი“ იქნება, რომელიც ამ მატჩის ფრედ დასრულების ან წაგების შემთხვევაში ოფიციალურად დატოვებს ეროვნულ ლიგა 2-ს. ჩვენი გუნდი კი იმისთვის იბრძვის, რომ პლეი-ოფის გარეშე შეინარჩუნოს ადგილი ეროვნულ ლიგა 2-ში, ამდენად კიდევ ერთი პრინციპული და საინტერესო მატჩის მოლოდინშია გულშემატკივარი.
წინა ტური "მერანისთვის" წარმატებული გამოდგა. ჭყონდიდელებმა საკუთარ მოედანზე ევგენი ზახარჩენკოს და ცოტნე ფაცაციას გოლებით 2-0 დაამარცხეს "ნორჩი დინამო". ბათუმში, „ანგისას ბაზაზე“ დიდი ანგარიშით 0-4 წააგო ჩვენმა მეტოქემ აწ უკვე ეროვნული ლიგის წარმომადგენელ ბათუმის „დინამოსთან“.
ურთიერთშეხვედრები
რაც შეეხება ურთიერთშეხვედრებს, 19 მატჩი გამართეს გუნდებმა არსებობის ისტორიაში ერთმანეთის წინააღმდეგ და სტატისტიკის მიხედვით სრული თანაფარდობაა, რადგან მათ აქტივში 7-7 მოგება და 5 ფრეა.
დანაკლისი
ხვალინდელი დაპირისპირების გამოტოვება არცერთი გუნდის ფეხბურთელს არ ემუქრება დისკვალიფიკაციის გამო.
P.S. "ცხინვალი" - "მერანის" მატჩი ხვალ, 2 დეკემბერს მცხეთაში, „მცხეთა პარკზე“ 14:00 საათზე დაიწყება და თამაშის პირდაპირ ტრანსლაციას ჩვენი ფეისბუქ გვერდი შემოგთავაზებთ.
| შუქურა (ქობულეთი) | 3 | 9 | |
 |
მერანი (მარტვილი) | 3 | 6 |
| რუსთავი (რუსთავი) | 3 | 5 | |
| სიონი (ბოლნისი) | 2 | 4 | |
| ვიტ ჯორჯია (თბილისი) | 3 | 4 | |
| შევარდენი (თბილისი) | 3 | 3 | |
| გაგრა (გაგრა) | 3 | 2 | |
| არაგვი (დუშეთი) | 3 | 2 | |
 |
სამგურალი (წყალტუბო) | 2 | 1 |
| დინამო (ზუგდიდი) | 3 | 1 |
