ეროვნული ლიგა 2-ის მე-4 ტურის მატჩი გამართა მარტვილის „მერანმა“.

 ჭყონდიდელებმა საკუთარ არენაზე საგარეჯოს „გარეჯს“ უმასპინძლეს და ანგარიშით 0:2 დამარცხდნენ.

  სტუმრები „ექს-მერანელმა“ პაპუნა ფონიავამ დააწინაურა შეხვედრის 35-ე წუთზე. 52-ე წუთზე კი გიორგი ხარებაშვილმა საბოლოო ანგარიში 0:2 დააფიქსირა.

  ეროვნული ლიგა 2 სანაკრებო პაუზის შემდეგ განახლდება. 31 მარტს „მერანი“ თბილისში, „გლდანის საფეხბურთო ცენტრის“ სტადიონზე „ვიტ ჯორჯიას“ დაუპირისპირდება.