1 2 3 4 5
ზედიზედ მესამე გამარჯვება: „მერანი“ –„შევარდენი 1906“ 3:1

 

 

    მარტვილის „მერანმა“ ეროვნულ ლიგაში მორიგი გამარჯვება მოიპოვა და მეგრულ გუნდს პლეი-ოფის საგზურის გაფორმებამდე ერთი ნაბიჯი აშორებს..

 

 დღეს, ცოტნე მონიავას გაწრთვნილმა კონტიგენტმა, „მურთაზ ხურცილავაზე“ თბილისის „შევარდენი 1906“ მიიღო და ანგარიშით - 3:1 დაამარცხა მეტოქე.

 

 მასპინძლები მე-18 წუთზე, ჭყონდიდელთა მთავარმა მეგოლემ, შეიკნე სილამ დააწინაურა. დათა წულაიას პასის შემდეგ, მალელმა ახლო მანძილიდან აუღებელი დაურტყა ნადირაძეს -1:0.

 

 37-ე წუთზე, „მერანელთა“ კაპიტანის, კიჭი მელიავას წაქცევისთვის დანიშნული თერთმეტმეტრიანი დარტყმის შესრულება მელიავამ სილას დაუთმო და „მერანის“ ლეგიონერმა „პანეკას“ სტილის დარტყმით კიდევ უფრო გაიმყარა პირველი პოზიცია ბომბარდირთა დავაში - 2:0. (სილას ანგარიშზე მიმდინარე სეზონში 18 გატანილი გოლია).

 

 77-ე წუთზე, ბაქარ ლაღაძემ წინა მატჩის მსგავსად, დღევანდელ შეხვედრაშიც ინდივიდუალურად ითამაშა კარგად და მარცხენა დაბალ კუთხეში გაუტანა „იუნკერთა“ კიპერს - 3:0.

 

 სტუმრებმა პრესტიჟის გოლი შეხვედრის მიწურულს გაიტანეს. 82-ე წუთზე, „შევარდენი 1906“-ის მცველმა თემურ ბექაურმა, რომელიც შეტევაში იყო გადართული, გვარაძის კარგი გადაცემის შემდეგ, მცირედით შეუცვალა ბურთს მიმართულება - 3:1.

 

 ეროვნული ლიგა 2-ის მიმდინარე გათამაშების დასრულებამდე 4 ტური დარჩა. მომდევნო კალენდარულ მატჩს „მერანი“ ბოლნისში გამართავს. 6 ნოემბერს, ჩვენი გუნდი „თამაზ სტეფანიაზე“ გათამაშების ერთპიროვნულ ლიდერს, ბოლნისის „სიონს“ დაუპირისპირდება.

 



უკან

გათამაშების ცხრილი
სიონი (ბოლნისი) 36 81
გაგრა (გაგრა) 36 75
მერანი (მარტვილი) 36 64
გარეჯი (საგარეჯო) 36 50
მერანი (თბილისი) 36 47
შევარდენი (თბილისი) 36 46
დინამო (ზუგდიდი) 36 46
ვიტ ჯორჯია (თბილისი) 36 45
რუსთავი (რუსთავი) 36 39
ჩიხურა (საჩხერე) 36 10