1 2 3 4 5
უხვგოლიანი მეგრული დერბი "დინამოს" გამარჯვებით დასრულდა

 

  მარტვილში, "მურთაზ ხურცილავას" სახელობის არენამ მეგრულ დერბის უმასპინძლა. კრისტალბეთ ეროვნული ლიგა 2-ის, მე-11 ტურში ადგილობრივი "მერანი" და "დინამო" (ზუგდიდი) დაუპირისპირდნენ ერთმანეთს.

 

 ორივე გუნდი საკადრო პრობლემებით შეხვდა აღნიშნულ შეხვედრას, "მერანს" ცენტრალური მცველი, გუნდის კაპიტანი: ბექა ბიბილაშვილი და ცოტნე ფაცაცია ვერ ეხმარებოდნენ ტრავმის გამო, სტუმრებს კი გუგუჩია და ცირდავა აკლდათ.

 

 მიუხედავად იმისა, რომ მატჩი "მერანმა" აქტიურად დაიწყო, შეხვედრის მე-17 წუთზე "დინამო" დაწინაურდა, "ექს-მერანელმა" დათა სიჭინავამ საჯარიმოს მისადგომებიდან შორეული დარტყმით გახსნა ანგარიში - 0:1.

 

 "მერანელებს" წონასწორობის აღსადგენად ზუსტად 10 წუთი დასჭირდათ. 27-ე წუთზე თორნიკე კაკუშაძის საგოლე გადაცემის შემდეგ, ამირან როხვაძემ გადაგზავნა ბურთი ეხვაიას კარში - 1:1.

 

 35-ე წუთზე "მერანის" შემტევმა, ლევან წოწონავამ პენალტი მოიპოვა და თერთმეტმეტრიანის ნიშნულიდან თავად დაარტყა ზუსტად - 2:1.

 

  პირველი ნახევრის დასრულებამდე წამები იყო დარჩენილი, როცა დათა სიჭინავას მიერ შესრულებული საჯარიმო დარტყმის დროს, კიდევ ერთ "ექს-მერანელს", პაპუნა მოსემღვდლიშვილს მიუვიდა ბურთი მეტოქე გუნდის საჯარიმოში და "ზუგდიდელთა" ცენტრალურმა მცველმა ახლო მანძილიდან გაათანაბრა ანგარიში - 2:2.

 

 მეორე ტაიმის 76-ე წუთზე კიდევ ერთხელ გავიდა წინ "დინამო". ფლანგიდან გურამ მინდორაშვილის მიერ ჩაწოდებული ბურთი დათა სიჭინავამ თავით გაიტანა "მერანის" კარში 2:3..

 

"მერანი" კრისტალბეთ ეროვნულ ლიგა 2-ის მე-12 ტურის მატჩს 5 ოქტომბერს თბილისში გამართავს დუშეთის "არაგვის" წინააღმდეგ.



უკან

გათამაშების ცხრილი
მერანი (მარტვილი) 0 0
ჩიხურა (საჩხერე) 0 0
გაგრა (გაგრა) 0 0
სიონი (ბოლნისი) 0 0
რუსთავი (რუსთავი) 0 0
დინამო (ზუგდიდი) 0 0
ვიტ ჯორჯია (თბილისი) 0 0
შევარდენი (თბილისი) 0 0
გარეჯი (საგარეჯო) 0 0
მერანი (თბილისი) 0 0