1 2 3 4 5
"მერანის" მეტოქე - "სტალ მიელეცი"

 14 თებერვალს, მარტვილის „მერანი“, მოსამზადებელ შეკრებაზე მეოთხე საკონტროლო მატჩს გამართავს. ჩვენი გუნდის მეტოქე პოლონეთის ორგზის ჩემპიონი - „სტალ მიელეცი“ იქნება. გაგაცნობთ რამდენიმე ფაქტს „მერანის“ მოწინააღმდეგე გუნდის შესახებ.

 

 სანამ „მერანის“ სპარინგ-მეტოქეს წარმოგიდგენდეთ, უნდა ავღნიშნოთ ისიც, რომ „სტალ მიელეცს“ ერთხელ უკვე შეხვდა ჩვენი გუნდი. 2017 წლის 2 თებერვალს, თურქულ შეკრებაზე "სტალ მიელეცი“ – „მერანის“ მატჩი პოლონელების გამარჯვებით 4:0 დასრულდა, ასე რომ მიუხედავად ამხანაგური შეხვედრის სტატუსისა, „მერანელებს“ ხვალინდელ დაპირისპირებაში დამატებითი მოტივაცია ექნებათ რევანშის ასაღებად.

 

 „სტალ მიელეცი“ პოლონეთის ჩემპიონატის პირველ ლიგაში ასპარეზობს. გუნდს 19 ტურის შემდეგ 31 ქულა აქვს და 4 ქულით ჩამორჩება სატურნირო ცხრილის ლიდერს. კლუბის ისტორიას თუ გადავხედავთ, „სტალ მიელეცი“ ოფიციალურად 1939 წელს დაარსდა და ყველაზე წარმატებული პერიოდი 1973-1976 წლებში ჰქონდა, რადგან აღნიშნულ პერიოდში პოლონეთის ჩემპიონის ტიტული ორჯერ მოიპოვა. 1976 წელს კი „სტალი“ პოლონეთის თასის ფინალში გავიდა და ვერცხლის პრიზიორი გახდა. პოლონეთის გუნდი, არსებობის ისტორიაში, 5 სეზონის განმავლობაში მონაწილეობდა ევროტურნირების საკვალიფიკაციო ეტაპზე, თუმცა ჯგუფური ეტაპი არცერთ შემთხვევაში არ გადაულახავს.

 

 „სტალ მიელეცის“ შემადგენლობა გამოცდილი ფეხბურთელებით არის დაკომპლექტებული. გუნდში ჰყავთ ლეგიონერები. ბრაზილიელი მცველები - ლეანდრო და დოსანტოსი, ხორვატი ნახევარმცველი - სოლჯიჩი, ბულგარელი მცველი - გრანჩოვი, სლოვაკი მცველი - დობროტკა და სლოვენიელი თავდამსხმელი - ჯერმანოვიჩი. მიმდინარე სეზონში „სტალ მიელეცის“ საუკეთესო ბომბარდირი პოლონელი ნახევარმცველი ჩოლევლიაკი გახლავთ 7 გატანილი გოლით. გუნდს 46 წლის პოლონელი სპეციალისტი - სმოლკა თავკაცობს.

 

 „მერანის“ მეტოქე რამდენიმე დღეა რაც თურქულ შეკრებაზეა. „სტალ მიელეცმა“ 12 თებერვალს, ყაზახეთის გუნდთან ითამაშა ამხანაგური მატჩი და მინიმალური სხვაობით 1-0 დაამარცხა მეტოქე.

 

 „მერანი“ – „სტალ მიელეცის“ შეხვედრა, სიდეში 14 თებერვალს გაიმართება და მატჩის პირდაპირ ტრანსლაციას ჩვენს ფეისბუქ გვერდზე შემოგთავაზებთ.



უკან

გათამაშების ცხრილი
დინამო ბთ 32 67
ვიტ ჯორჯია 32 56
გაგრა 32 21
ნ. დინამო 32 50
თელავი 32 44
შევარდენი 1906 32 43
მერანი 32 33
სამგურალი 32 32
შუქურა 32 32
ცხინვალი 32 29