1 2 3 4 5
„მერანის“ დამაჯერელი გამარჯვება: „მერანი“ – „გურია“ 3:0

 „მერანმა,“ XXXIV ტურის მატჩი ლანჩხუთის „გურიას“ წინააღმდეგ გამართა. აღნიშნულ დაპირისპირებაში აშკარა ფავორიტები მარტვილელები იყვნენ და შეხვედრაც მასპინძლების დამაჯერებელი გამარჯვებით 3:0 დასრულდა.

 

 პირველ ნახევარში, მიუხედავად იმისა, რომ „მერანელებმა“ მეტოქე საკუთარ კარს მიაჯაჭვეს და არაერთი სახიფათო მომენტი შექმნეს, გოლი 35-ე წუთამდე არ გავიდა. ანგარიში რევაზ ბარაბაძემ, ვანო კურდღელაშვილის ჩინებული გადაცემის შემდეგ გახსნა, რომელმაც ახლო მანძილიდან, ერთი შეხებით დაარტყა და შანსი არ დაუტოვა გურულთა კიპერს - 1:0.

 

 მეორე ტაიმში, მიხეილ მახვილაძის მიერ განხორციელებულმა ცვლილებებმაც გაამართლა, რადგან შეცვლაზე შემოსულმა რევაზ გეწაძემ საგოლე გადაცემა მიითვალა, „მერანის“ ახალგაზრდული გუნდის ერთ-ერთმა ლიდერმა, თენგიზ თოლორდავამ კი პირველი გოლი გაიტანა „მერანის“ მაისურით.

 

 70-ე წუთზე, მასპინძელთა 70-ე ნომერმა, რევაზ გეწაძემ, კუთხურის ალამიდან ზუსტი გადაცემით, დავით მაისაშვილი მოამარაგა, ჩვენი გუნდის ცენტრალურმა მცველმა კი მეურვეს საჰაერო ორთაბრძოლა მოუგო და თავით გადაგზავნა ბურთი "გურიას" კარში - 2:0.

 

 საბოლოო შედეგი, როგორ ავღნიშნეთ, თენგიზ თოლორდავამ დააფიქსირა. შეხვედრის დასრულებამდე 3 წუთით ადრე, კიჭი მელიავამ მახვილ-გონივრული გადაცემით მეკარესთან პირისპირ გაიყვანა თანაგუნდელი, რომელმაც ხვედელიძეს ტექნიკურად აუარა გვერდი და ცარიელ კარში შეაგორა ბურთი - 3:0.

 

 ამ გამარჯვებით, „მერანს“ 76 ქულა დაუგროვდა და სატურნირო ცხრილში კვლავ მეორე ადგილზეა. ჩვენი გუნდი მომდევნო ტურის მატჩს 21 ნოემბერს გამართავს ტყიბულში, წყალტუბოს „სამგურალის“ წინააღმდეგ.

 

17 ნოემბერი. 14:00. მარტვილი. „მურთაზ ხურცილავა“.
ეროვნული ლიგა 2. ტური XXXIV .
“მერანი” (მარტვილი) – „გურია“ (ლანჩხუთი) 3:0 (1:0).

გოლები: 1:0 რევაზ ბარაბაძე (35’), 2:0 დავით მაისაშვილი (70’), 3:0 თენგიზ თოლორდავა (87’).

 

„მერანი“: მამალაძე, ორბელაძე (კ) (ვ. ფაცაცია 79’), მაისაშვილი, მელიავა, გეგია, ტეიდი, ლომაშვილი, ჩუკურა (გეწაძე 46), კურდღელაშვილი, ტრეტიაკი (თოლორდავა 69’), ბარაბაძე.

სათადარიგო: კულუა, გეწაძე, ჯიქია, რუხაძე, თოლორდავა, ვ. ფაცაცია, ც. ფაცაცია.
მთავარი მწვრთნელი: მიხეილ მახვილაძე.

 

„გურია“: ხვედელიძე, პაოლო რომანი, მეგრელიშვილი, კოტრიკაძე, ბაკურაძე (ნარიაშვილი 54’), კიკნაველიძე, არქანია (ჯაფარიძე 80’), ტყემალაძე, შარიქაძე, ლაბაძე (ტელა 63’), და სილვა.

სათადარიგო: პოლტავეცი, ბერიძე, ნარიაშვილი, ტელა, დუდუჩავა, ჯაფარიძე, წერეთელი.
მთავარი მწვრთნელი: დავით მახარაძე.

 

მთავარი მსაჯი: შოთა ქუხილავა.

 

სხვა მატჩები:
"მეშახტე" - "ვიტ ჯორჯია" 2:0
"სიონი" - "რუსთავი" 0:1
"ცხინვალი" - "სამგურალი" 2:0
"გაგრა" - "ზუგდიდი" 0:0



უკან

გათამაშების ცხრილი
რუსთავი 36 83
მერანი 36 80
სიონი 36 59
სამგურალი 36 53
გაგრა 36 53
ვიტ ჯორჯია 36 52
ცხინვალი 36 40
გურია 36 37
მეშახტე 36 27
ზუგდიდი 36 25