1 2 3 4 5
„გურია“ VS “მერანი“: ლანჩხუთში სამი ქულისთვის

 სანაკრებო პაუზით გამოწვეული შესვენების შემდეგ, ეროვნული ლიგა 2 ხვალ განახლდება. „მერანი“ XXV ტურის შეხვედრას, სტუმრად, ლანჩხუთში გამართავს და მორიგი სამი ქულის მოპოვებისთვის იბრძოლებს. ორივე გუნდს განსხვავებული მიზანი აქვს მიმდინარე ჩემპიონატში, მარტვილელები ეროვნული ლიგა 1-ში აღსაზევებლად იბრძვიან, გურულების მთავარი ამოცანა კი ეროვნულ ლიგა 2-ში ადგილის შენარჩუნებაა, ასე რომ 8 სექტემბერს, უშეღავათო ორთაბრძოლა გაიმართება „ევ. შევარდნაძის“ სახელობის სტადიონზე.

 

 აღნიშნულ დაპირისპირებამდე, „მერანმა“ თავის უშუალო კონკურენტს და უახლოეს მდევარს „რუსთავს“ უმასპინძლა „მურთაზ ხურცილავაზე“ და მიუხედავად მასპინძლების დიდი უპირატესობისა, ის შეხვედრა ფრედ 0-0 დასრულდა. პრინციპულ მეტოქესთან ჰქონდა მატჩი „გურიასაც“. „მცხეთა პარკზე“, უხვგოლიან მატჩში 3-4 დამარცხდნენ გურულები. სატურნირო ცხრილს კლავინდებურად „მერანი“ ლიდერობს 53 ქულთ, ჩვენი ხვალინდელი მეტოქე კი 25 ქულით მე-7 პოზიციაზეა.

 

ურთიერთშეხვედრები
ურთიერთშეხვედრების ისტორიას თუ გადავხედავთ, "მერანის" და "გურიას" გზები სულ 17-ჯერ გადაიკვეთა. ამ დაპირისპირებებიდან 8 მატჩში "მერანმა" იმარჯვა, 6-ჯერ "გურიამ" მოიპოვა გამარჯვება. 3 შეხვედრა კი ფრედ დასრულდა.

 

დანაკლისი
მეგრულ-გურულ პაექრობას ორივე გუნდი დანაკლისით ხვდება. „მერანელებს“ დისკვალიფიკაციის გამო დავით მაისაშვილი და რაფაელ ჩუკურა დააკლდებათ. იგივე მიზეზით ვერ ითამაშებენ მოწინააღმდეგე გუნდში ალექსანდრე შენგელია და დავით მეგრელიშვილი.

 

„გურია“ – „მერანის“ დაპირისპირება ლანჩხუთში, „ევ. შევარდნაძის“ სახელობის ცენტრალურ სტადიონზე 8 სეტქმებერს 17:00 საათზე აიღებს სტარტს.



უკან

გათამაშების ცხრილი
დინამო ბთ 6 12
ვიტ ჯორჯია 6 12
გაგრა 6 9
მერანი 6 8
თელავი 6 8
შევარდენი 6 8
ცხინვალი 6 8
სამგურალი 6 7
ნ. დინამო 6 6
შუქურა 6 4